請回答 1994

星星過後﹐繼續追之前還沒看完的 1994 (下一部應該會看 “神的禮物”)。平日在家當然沒有時間看電視﹐現在家中有 Netflix, 所以差不多 24 小時都在播兒童節目 =.= 我只能爭取時間在車上看。沒想到這套 1994 這麼平凡的故事﹐在車上都差點看到哭~ 最能感動我的故事永遠都是父母的愛。

1994﹐ 一個二十年前的故事﹐一個回憶﹐一群大學生合宿的故事。不是正正自己大學時候的故事﹖不同的可能是時間﹐地點或人物﹐但都曾經有過類似的故事或經歷。每一個都好像有共鳴的故事~ 以前我也是選擇遠離屋企到學校寄宿﹐有開心也有不開心的經歷﹐但卻很難忘和值得回味。雖然是一個簡單愛情﹐親情和友情的故事~ 看似很土但卻有一種說不出的味道﹐特別說到仔女和父母間的故事﹐很微不足道的事但卻值得我們去反省。

咖啡. 瑞士

琴日暖返少少，今日又凍左，都係係屋企開爐整嘢好過。第二次整瑞士卷，明顯地我無耐性等凍左先卷，個皮甩左，有待改進。味道就非常正，老公同囡囡都話好食。

咖啡加朱古力忌廉，正呀！轉個頭﹐成條食晒~ 個個都叫我再整

 

晚餐是鹹茶菜豬扒，有媽咪自家制的鹹菜，好爽又吾醎，送飯好開胃:）

 

回暖

今年美東天氣完全變態﹐成兩個幾月都處於奇凍狀態﹐特別我非常早出門﹐也是一天最凍的時刻去上班。而家天氣上了 30F 我都覺得吾凍﹐因為習慣了最凍。我計過今個冬天我因為落大雪而 4 日無返工﹐不過上司很好當我 work from home~ 呢個冬天另我對雪產生恐懼﹐因為落雪令上落班也麻煩﹐因為火車全部延遲。

呢個星期六天氣回暖少少﹐不過風好大風~ 而家見天氣好立刻帶兩個女出去玩﹐真係太期待夏天。星期一好似又落雪 ><

晚餐整左滷水雞腿同肉碎麵 + 章魚青紅蘿蔔湯

開心星期五

對於打工人來講﹐星期五無疑是最期待同開心的一天~ 特別這個星期我工作上極忙﹐說實話﹐我每天都會準時上班也同樣地非常準時下班﹐當然有緊急事也不介意留在公司完成工作~ 但全公司我通常都是第一個下班﹐因為沒有什麼事比我家庭比我回家見兩個女更重要。

辛苦一星期﹐當然要出去開心下~ 我鐘意自己煮架﹐不過兩位小朋友好鐘意去街~細女吾係好識講野﹐但已經識講 “街街”﹐一聽到呢兩個字就立刻自己搵襪同鞋仔 ^^

今晚去左 Ruby Tuesday, 好耐無去食﹐因為近幾個月天氣真係太凍吾想帶小朋友出街~ D 野細件左﹐kid meal 無 side dish 無飲品﹐吾抵! 我吾太習慣出去食野影相~ 本來想影﹐但野食一到就掛住食 ^^"

呢張相係出去食 dinner 前影﹐呢位小朋友最愛食香蕉 ^^
姐姐相反﹐o羊野食都吾鐘意﹐食野對她來講係懲罰 >.<

 

辛苦工作﹐回家見到兩隻野真係o羊都開心返~ 

一爐兩味

每次開爐﹐總係覺得想整多個一樣野﹐o甘大個爐整一樣好似好浪費 ^^"

上兩個星期都係整班蘭戚風﹐所以今個星期換左香橙戚風﹐更適合小朋友吃~ 

見有豬肉碎﹐順手整埋豬肉乾﹐真係超容易整﹐比起外邊買真係平好多。

 

用左新買的 grater 刨橙皮﹐夜晚更用來刨薑整薑汁撞奶﹐真係非常好用。

敗家樂

呢排去得多 blog 同 group, 真係影響到我買野的慾望...hehe~ 雖然我平日無時間﹐不過而家上網買野太方便﹐真係呢頭訂聽日就到啦~ 最近心儀麵包機﹐雖然老公叫我買﹐但真係覺得好貴﹐比香港台灣價錢貴好多﹐因為郵費都成百美金 >.<

好想買呀~ 未買我已經上網印定說明書﹐哈~

早幾日係 Amazon 訂左少少野~ 有想換好耐的木 turner﹐ review 好高 的 microplane grater﹐同雪糕盒~ 我架雪糕機擺左幾年都整左吾夠五次呀~ 所以買個雪糕盒等我有機整下雪糕 ^^

剝牙

過去幾日已經睇咗三次同三個吾同的牙醫。首先，我以前係香港係吾太照顧牙齒，所以補過成八九隻牙，加上我最愛朱古力糖果同汽水 =.= 

今次轉左屋企附近的牙醫，一查話我要補九隻牙，真係嚇死我。因為而家的我係非常照顧牙，更每半年檢查。個牙齒醫洗牙時整爛我曾經補過的一隻牙，整爛左又吾補又約第二日先可以補。

吾係太信呢個新牙醫，所以第二日我又去返以前比較遠那位牙醫，一睇話我得一隻牙要補，就係比之前無良牙醫整爛個隻。真係激死我~

最後就係要剝隻智慧牙，已經拖左兩年，因為要開刀所以一直驚驚。要開刀所以又另一位專做手術的牙醫。剝完後，覺得個過程好恐怖，特別係D聲音，然後又縫針，真心怕怕~ 醫生開左特強止痛藥，希望吾會發燒。

囡囡好應景，今日竟然借左呢本書