聖誕曲奇

聖誕又到~ 以往我都喜歡整下曲奇送比人，但過去兩年都因照顧 Baby 而無時間/心機/精神。今年女兒大一點，所以又想玩下送比同事。其實整呢類 Sugar cookies 好花時間，又要等乾~ 真係需要兩三日時間完成，但好滿足。自己就吾多喜歡呢類曲奇，所以我無食，不過老外同事非常喜歡，兩個女更加完全大愛。

一日完成另外三款曲奇，真係由朝早企到晚

  多謝老公幫手包裝，架 sealer 特別為左呢次買~ 扮下專業

曲奇有限，所以只係送出比部份同事，仲有囡囡老師~ 個個見到自己個名最開心 :) 

 

 入罐入袋~

 

回顧一........愛蛋糕

嘩....原來我真係好耐無去自己個 blog, 已經成幾個月
天氣已經由夏天變成落雪天.......

近三幾個月都在整麵包,特別 11月份是生日月份,又有機會試下整蛋糕~
麵包越整越上癮, 所以變成同老公日日帶麵包返公司食呀~

第一個生日蛋糕,係十月中整比小女兒,朋友問我係邊買蛋糕, 好足料 (笑~) 味道真心覺得好味過外邊買. 不過包裝就吾得啦~ 連蛋糕底板都無買~

第二個係自己 11 月生日啦~鏡面朱古力,呢個更加好味道,有機會一定要再整呀!!!!

 

 第三個係同是 11 月生日, 老公的生日蛋糕,因為在平日所以無時間整,做左最簡單的 Tiramisu cake, 又係好好味道.

最後係 Thanksgiving 整的 cappuccino chocolate cheesecake

食完呢幾個蛋糕,老公已經投訴肥左, 吾比我開爐整麵包蛋糕  >.<